Microsoft го нарече Google „Scroogle“

Денес Microsoft ја започна својата контроверзна анти-кампања против Google во која ги убедува луѓето дека Google ги води на погрешно место бидејќи сите резултати за купување се платени.

На новито веб сајтот Scroogle се вели дека „Google Shopping не е ништо повеќе од листа на таргетирани реклами кои корисниците мислат дека се резултати од пребарувањето“, а во видеото подолу од Microsoft објаснуваат колку Google е релевантен и колку тие се платени за оваа работа.

Инаку, за тие што не се запознаени, Bing соработува со Shopping.com сервисот кој е во сопственост на eBay и не прифаќаат нови трговци да бидат додавани во своите резултати. Но, изгледа дека од Microsoft имаат заборавено дека и самите имаат сличен „pay-to-play“ систем со кој платените понуди добиваат поголема видливост.