Како што вети, Microsoft започнува со издавање на алатките за конвертирање на апликациите од Android, iOS и Win32 во апликации за Windows 10. Прва од алатките која е презентирана е Project Westminster, а станува збор за алатка која треба да ги преработи веб апликациите во апликации кои ќе бидат достапни на најголемиот број на Windows 10 уреди.
Веб апликациите и без прилагодување ќе бидат достапни за корисниците на Windows 10 уреди, но она што го нуди аплатката е интеграција со фунционалностите на Windows 10: Cortana, Live Tiles и слично. Апликациите ќе продолажат да бидат првенствено веб, но ќе бидат препакувани и ќе бидат достапни преку Windows Store. Недостаток на ова е што за апликацијата да функционира мора да постои интернет врска, но корисникот може да ја вклучи и таа нема да функционира.
Кирил Сексенов од Microsoft вели дека решение на ова е креирање на локални страни кои ќе бидат достапни и во случај кога корисникот поради некоја причина нема не е на интернет. „Програмерот може да го одбере својот омиле едитор за текст, складиште за код и страната на хостирање додека ја креирате вашата веб страна“, вели г. Сексенов.
Наскоро би требало да бидат достапни и останатите алатки Project Astoria, Project Islandwood и Project Centennial, кои ќе овозможат конвертирање на Android, iOS и Win32 апликации за Windows Store. Доколку планот на Microsoft успее корисниците ќе можат да ги пронајдат и користат своите омилени апликации на Windows 10, а ова ќе биде голем исчекор за Windows Store.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
