Доколку би го одгледале видео приказот објективно и без земање во предвид на скандалозните збиднувања помеѓу Konami и Хидео Коџима, тогаш и би можело да ви се допадне демото.
Интересен концепт на прикрадување и елиминирање научно-фантастични зомби чудовишта во препознатлива алтернатива на Metal Gear универзумот. Користење на околината за привлекување внимание и за ликвидирање, како и огромна мапа која е одлична за ко-оп тактизирање. Четирите играчи дадоа сѐ од себе да покажат што произлегува од заедничка соработка. Низ демото, заеднички се провлекуваа, комуницираа и користеа технолошките играчки специјално осмислени за привлекување внимание и заседа. Гледајќи го сево ова, како во првата фаза (инфилтрација), така и во втората (одбрана) не можевме, а да не помислиме дека максималните потенцијали од овој наслов ќе бидат искористени само при играње со вистински лица и тоа лица за кои знаете дека се подготвени заеднички да соработуваат.
Меѓутоа, дека светот не е спремен за пружање шанса и објективно осудување на оваа spin-off игра, кажуваат и следниве бројки.
Официјалниот трејлер за Metal Gear Survive, кој беше прикажан од IGN пред месец дена, моментно има над 3 милиони прегледи, 20 000 thumbs up, а зашеметувачки 105 000 thumbs down. Да не ни зборуваме за коментарите од чија содржина би се засрамил и најозлогласениот психопат. Петнаесет минутниот демо приказ за само еден ден собра 992 thumbs up и 4 451 thumbs down.
Сево ова е како директен резултат од лошото третирање на Хидео Коџима и агресивната кампања на Konami да се отстрани неговото име од долго-годишниот серијал. Уште полошо, со Metal Gear Survive фановите сметаат дека компанијата не се грижи за нив туку само гледа додатно да профитира од енџинот и гејмплеј системот од Phantom Pain.
„Metal Gear игрите се за политичка фикција и шпионажа“, вели Хидео Коџима за Metal Gear Survive и додава дека навистина не гледа каква врска имаат зомби чудовиштата со сето тоа. За повеќе, познатиот развивач не сакаше да коментира, но призна дека кога тој би ја правел играта би имало мекови (mechs).
Metal Gear Survive излегува во 2017 година по цена од околу 30 долари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
