Google крушум го преработи Android Wear во кој можеби најголем новитет се интерактивниот екран на часовникот. Најголем проблем во воведувањето на интерактивната почетна страна е тоа што во оригиналната верзија на оперативниот систем, притискањето на часовникот се користи за активирање на картичките за Android Wear. „Она што го гледавме е принцип на директна манипулација која трба да се примени на часовникот, бидејќи не е неразумно да сметате дека корисниците ќе сакаат да ги отворат податоците кои им се презентирани“, вели Брет Лидер, главен дизајнер на Android Wear.
Поради ова тимот започна полека да го заменува кусото притискање со повеќе други команди, а во претходната верзија имаше две нови гестикулации за картичките. Конечно со излегување на Android Wear 1.3, Google го ослободи селектирањето за интеракција со податоците кои се презентираат на часовникот. Целта на промените кои Google етапно ги воведуваше е да ги натера корисниците да престанат да го користат допирот за активирање на картичките, за да можат да го искористат за интеракција со податоците на екранот. Доколку ова го направеа веднаш, корисниците најверојатно незадоволни ќе сметаа дека е чекор во погрешна насока, вели дизајнерот на Android Wear.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
