Контроверзната реформа на авторските права ќе мора назад на расправа пред пратениците во Европскиот парламент. Со 318 гласа против и 278 гласа за, законот ќе мора назад. За законот повторно ќе се дебатира и ќе може да се додаваат амандмани во септември.
Најпроблематичен дел од законот се данокот на линкови и филтрите при аплоуд. Но, има тука и други проблематични делови, на пример, членови од законот кој ќе овозможат казни за платформите кои хостираат содржина на која не и се регулирани авторските права.
Членот 11 или данокот на линкови е обид да се оданочат агрегаторите на информации кои заработуваат од споделување линкови до други сајтови. Сепак, истовремено и им овозможуваат на истите сајтови нивната содржина да биде полесна за пронаоѓање.
Вториот дел е фокусиран на платформи како YouTube или Sound Cloud или било кој сличен. Ако било кој закачи било која содржина која е со нерегулирани авторски права, секако има лична одговорност, но за ова е одговорен и сервисот на кој се качува оваа содржина.
Поголем проблем е што ова ќе предизвика преселекција на прикачените содржини, но и отстранување и на легална содржина поради предострожност.
Секако борбата не завршува тука и ќе мора да продолжи по одморот на пратениците во Европскиот парламент.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
