MagicMouseTrails прави по вашата стрелка да се движат срциња, ѕвезди, снегулки или топки

MagicMouseTrails е интересна алатка која би била ценета од луѓе кои или со потешкотии ја следат стандардната стрелка на компјутерот или пак сакаат малку поразлично визуелно доживување.

Се работи за бесплатен програм кој прави траги да ја следат стрелката како ја движите низ десктоп површината. Трагите можат да бидат во најразлични теми како срциња, ѕвезди, снегулки или фудбалски топки. Можете да местите колкава да е должината на трагите, како и големината на тематските објекти, но и брзината со која се движат и колку се транспарентни.

Најновата, втора верзија на MagicMouseTrails се испорачува во инсталациона или пренослива форма.