Apple објави дека новиот Mac Pro со цилиндричен дизајн излегува во продажба. Компјутерот доаѓа со четири јадрен процесор Xeon E5 на 3.7 GHz, RAM до 64 GB и комбинација на две AMD Fire Pro во Crossfire со расположива меморија до 6 GB. Претпродажбата на MacPro започнува од денес, а веста на својот профил ја пренесе лично Тим Кук.
We have begun manufacturing the Mac Pro in Austin. It’s the most powerful Mac ever. Orders start tomorrow. pic.twitter.com/Jrd1Gic3Ya
— Tim Cook (@tim_cook) December 18, 2013
Целиот компјутер е дизајниран за перформанси, а тоа влијае врз цената. За верзијата која доаѓа со 12 GB RAM, dual Fire Pro D300 и 256GB SSD купувачите ќе треба да издвојат 3.000 долари, a за варијантата со 6-јадрен процесор и dual FirePro D500 која доаѓа со 16 GB RAM чини речиси неверојатни 4.000 долари. Поради моќните графички картички, компјутерите можат да работат со 3 монитори со 4К поддршка или 6 Thunderbolt монитори.
Со овие перформанси Mac Pro е еден од најдобрите компјутери кои им се достапни на професионалците на кои им е потребна моќ пред се за видео едитирање, 3Д моделирање и за фотографија. Но, иако хардверот е импресивен, шоуто сепак ќе го украде дизајнот на компјутерот кој за разлика од вообичаените кутии овој пат е цилиндричен и изгледа како R2-D2 oд Star Wars. Идејата зад ваквиот револуционерен дизајн е да се направи поефикасно ладење за моќниот компјутер. Куќиштето има само еден голем вентилатор на врвот, но е дизајнирано со „термално јадро“ низ кое проаѓа воздухот и ги лади деловите.
[youtube]IbWOQWw1wkM[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
