{mosimage}Честопати се наоѓаме во ситуација кога треба да пренесеме некој фајл од нашиот компјутер до друг компјутер во иста канцеларија кои се поврзани меѓусебно. На пример некој текст треба да се испечати, а единствено еден компјутер има пристап до печатачот. Секако дека има повеќе начини како да го сторите тоа, дали тоа ќе биде преку некој пренослив мемориски уред, праќање како фајл на е-маил или слично. Но, во овој краток совет ќе ви претставиме како тоа да го сторите на лесен и брз начин преку мрежно делење.
Доколку сте во локална мрежа, многу лесно можете да дозволите еден фајл или фолдер да биде видлив во целата мрежа преку изменување на дозволувањата за делење и запишување.
Првенствено, за да можете да делите работи мора да ја имате овозможно опцијата Simple File Sharing. Истата е овозможена како зададена во Windows XP Home верзијата.
Отидете во Folder Options, преку Windows Explorer/MyComputer -> Tools -> Folder Options. Во јазичето View проверете дали е штиклирана опцијата Use Simple File Sharing (Recommended) и доколку не е, штиклирајте ја.
Со ова практично овозможувате и другите компјутери да имаат пристап до вашите фајлови без било каква автентикација. (Напомена: Оваа промена нема да има никаков ефект доколку компјутерот е дел од Windows домен (domain))
Откако ја штиклиравте соодветната опција, изберете го фолдерот кој сакате да го делите, и со десен клик на истиот изберете Sharing and Security…
{mosimage}
Во јазичето Sharing, во делот Network sharing and security, селектирајте ја опцијата Share this folder on the network и изберетe го името под кое ќе сакате да се појави фолдерот. За да ги снимите промените, кликнете Apply.
{mosimage}
За да вашите колеги или пријатели пристапат до споделениот фолдер, најлесно тоа можат да го направат со внесување на "\ImeNaKompjuterot" во барот за адреси, или пак преку фолдерот My Network Places. Името на вашиот компјутер може да го прегледате со притискање на десен клик на My Computer -> Properties -> Computer Name.
Доколку сакате да овозможите корисниците од локалната мрежа да ги изменуваат содржините на делените фолдери/фајлови, се што треба да направите е да ја селектирате и опцијата Allow network users to change my files.
Кратко ама слатко. Со помош на овој начин ќе можете да ја олесните работата во вашата канцеларија или на било кое место доколку имате локална мрежа.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
