Најголемата бизнис друштвена мрежа, LinkedIn, донесе одлука на своите рекламни простори да нуди и рекламирање на брендовите со видео содржина.
„Без врска дали имате сложен B2B сервис да промовирате или пак имате инспиративна порака од бренд, видео реклами се начин да едуцирате, убедите и да ги инспирате сите 175 милиони корисници на LinkedIn.”, вели бизнис мрежата.
Од сега, компаниите преку страницата за закупување на реклами „Linkedin Ads“ ќе може да го изберат и моделот на видео/аудио рекламирање, кој како и кај останатите видови на реклами, компанијата ќе може да избере дали плаќањето ќе биде според кликовите или прегледи. Видео рекламните материјали ќе им бидат прикажани на корисниците со димензии 300 х 250 и ќе бидат лимитирани на времетраење од 30 секунди.
