Бизнис компанијата LinkedIn си купу едукативна компанија за неверојатни 1,5 милијарди долари. Основана во 1995-та година од Линда Вајнмен, Lynda.com е едукативна платформа која користи онлајн ресурси за да предава туторијали на најразлична тема, пример за бизнис, фотографија, 3Д и анимација, веб технологии како CSS и HTML и други курсеви што треба да ги усовршат вештините на сите заинтересирани.
Аквизацијата ќе биде остварена со 52 отсто во кеш, и 48 отсто во вредносни акции, и според директорот на LinkedIn, Џеф Вајнер, ќе помогне LinkedIn да стане покорисна мрежа за професионалци кои ќе сакаат да се усовршат. Идејата е да им се понуди на корисниците пристап до курсеви со кои ќе може полесно да најдат работа, или да научат нешто ново што ќе им помогне во кариерата.
Но, иако планот се врти околу онлајн курсевите, кои стануваат се попопуларни и попристапни за сите, сепак ниту LinkedIn, ниту Lynda не се изјасниа како точно ќе се интегрираат.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
InPlayer 
Web Factory 
Howitzer 
