Line е мобилната апликацијата која најмногу заработува доколку се исклучат игрите, покажува анализата на App Annie. Што се однесува за Google Play, Line таму е на прво место од поодамна, но неодамна ја помина Pandora на iOS и со тоа стана апликација со најголема заработка на двата оперативни системи. Најголем дел од приходите на апликацијата доаѓаат од „стикерите“ кои сега се поедноставни за користење, а по се изгледа се поголем е бројот на корисници кои се одлучуваат да ги отклучат овие дополнителни опции, а самата апликација беше надградена со опции за пребарување и додавање на категории за „стикерите“.
Анализата покажува и дека кога се апликациите во прашање, најважен пазар сега се Јапонија која сега е на првото место според парите потрошени за купување на апликации. Ова е пред се предизвикано од игрите од Google Play, Јапониците своите апликации можат да ги платат и преку телефонските сметки. Ова олеснување дополнително ја зголеми продажбата на апликации во Јапонија.
Што се однесува до апликацијата која најмногу заработила, станува збор за играта Puzzle & Dragons од јапонскиот GungHo.
