LG ја најави новата паметна светилка, SmartBulb. Светилката ќе се управува со Android и iOS, а ќе трепка кога добивате телефонски повик. Според најавата SmartBulb ќе трае 10 години а ќе им помогне на корисниците да заштедат дури 80 отсто од делот од сметката за електрична енергија која ја плаќаат за осветлување. Покрај ова како и кај останатите слични светилки корисниците ќе можат со својот паметен телефон да наместат тајмер и да го променат осветлувањето. Купувачите кои користат Android ќе можат да ја наместат светилката да осветлува во зависност од музиката која е пуштена.
Светилката е со моќност 10W и цена од 32 долари што доколку се покаже дека е точно дека ќе трае десет години е одлична инвестиција. За жал засега е непознато дали SmartBulb ќе биде достапна надвор од Кореа или ќе остане ексклузивна за овој пазар.
