Wright Electric најави дека работи на технологија која за 10 години ќе може да превезува патници од Лондон до Париз со електрични летала. Авионите на овој пат со должина од околу 500 километри ќе можат да превезуваат 150 патници, јави BBC.
Засега интерес за технологијата покажа британската компанија за евтини летови Easyjet. Доколку се намали потребата од гориво, цената на авио-траспортот може значително да се намали, тврди стартапот. Батериите би можеле да бидат модуларни, и додека авионот е во воздухот, други батерии да се полнат на пистата за слетување. Ова ќе овозможи брза замена на батерии наместо чекање на пистата додека истите се полнат.
„Easyjet дискутираше со Wright Electrics и ќе обезбеди активна поддршка од перспектива на авио-оператор, за развој на оваа возбудлива технологија.“, вели претставник на Easyjet.
Најголем проблем со оваа технологија и можност за лет е тежината, но и капацитетот на батериите. Сепак компанијата верува дека во следните 20 години сите пократки летови ќе бидат електрични. Wright Electric има поддршка од Y Combinator кој најверојатно е најпознатиот и најуспешен во пронаоѓање на успешни проекти и технологии.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
