Нема да навлегувам и да објаснувам Што е QR код, под претпоставка дека повеќето од вас веќе знаете, а оние кои сакаат да се потсетат можат да го прочитаат натписот од претходно.
Практиките во Македонија во креативната употреба на QR кодовите и не се така честа појава иако секако постојат исклучоци. Би сакала да направам една кратка ретроспектива на QR код кампањи кои се издвојуваат по својата креативност и успешност, кои за жал не се од нашите простори.
Прва и за мене најинтересна кампања е QR код кампањата на Tesco за продажба на намирници во Јужна Кореја. Во обид да го стигне својот конкурент во продажбата, но и да им понуди на потрошувачите забавен начин на купување кој истовремено заштедува и време, компанијата смисли нов начин за прикажување на производите од продавницата, кои можат да бидат нарачани преку мобилните уреди со скенирање на QR кодовите на сликата.
[youtube]fGaVFRzTTP4[/youtube]
Навистина креативен начин за прикажување на QR кодови освен преку конвенционалните печатени и дигитални медиуми е кампањата на
Unilever за шампонот Clear во Тајланд. Целта на компанијата била да ги едуцира потрошувачите на производите за нега на коса.
[youtube]ahSGO6SkG8g[/youtube]
Музичката продавница за алтернативна музика во Хонг Конг,
Zoo Records во обид да го промовира токму овој вид музика, решила да се издвои од останатите со употреба на QR кодови поставени на постери од различни животни. Со скенирање на кодовите (повеќе кодови на еден постер) луѓето можат да слушнат нова музичка трака, да ја споделат преку друштвените медиуми и најпосле да ја купат доколку им се допадне.
[youtube]IwURImYOK1Q[/youtube]
Банката
AXA во Брисел, при лансирање на нивниот кредит за реновирање, направиле шарен џиновски QR код од кутии со боја, кој го закачиле на платно кое покрива зграда во изградба. Со скенирањето на кодот, се пристапува до интернет страница со подетални информации за понудата.
[youtube]7YB1EacnnUw[/youtube]
Во духот на празничното расположение, каде се вбројува американската практика на купување божиќни подароци, е и потегот на американската стоковна куќа
JC Penney, која со употреба на QR код им овозможила на потрошувачите да снимаат лична аудио порака на кодот, кој подоцна го прикачуваат на подарокот.
[youtube]gfEQT6AWQ3U[/youtube]
Консултантската компанија
Phillips & Company од Тексас, дошла до идеја да постави огромни QR кодови на покривите на згради, кои ќе можат да бидат сликани од сателитите и прикажани на Google Maps, а подоцна скенирани од луѓето кои ги прегледуваат локациите.
Се надевам дека оваа година ќе можеме да видеме исто толку креативни употреби на QR кодови и во Македонија.
Стани премиум член и доби пристап до сите
содржини, специјален попуст на над 2.200 производи во ИТ маркет,
верификуван профил и можност за огласување на ИТ Огласник. Плус ќе го
поддржиш медиумот кој го градиме цели 16 години!
* плаќањето е
на годишно ниво
Доколку веќе имаш премиум
членство, најави се тука.
