Жител на Лас Вегас призна дека е виновен за испраќање на 27 милиони спам пораки на Facebook. Овој подвиг му успеал откако илегално се здобил до пристап до околу 500.000 профили од кои ги испратил пораките. Санфорд Валас го призна делото, а се чини дека сосем заслуженo го носи името Spam King.
Престапот е направен во подолг период во 2008 и 2009 година, а сега 47 годишниот Валас ја чека пресудата за измама и криминална намера. Како дел од неговото пуштање со кауција „Кралот на спамот“ имаше забрана за пристап до Facebook, но не издржа, па ова ќе му биде дополнителна отежнувачка околност.
Најголемата казна која може да ја добие од судот во Сан Хозе е 3 години затвор и 250.000 долари, вели Bloomberg.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
