Google продолжува да ги освежува сите свои сервиси, па така сега дојде на ред и Google Reader. Претходно пишавме за планот на Google да го редизајнира Google Reader, а од оваа недела споменатите промени веќе почнаа да се појавуваат.
Како и повеќето Google сервиси , така и Google Reader сега има нов интерфејс, почист и побрз, и на изглед е скоро идентичен со оној на Gmail. Покрај промената во изгледот, Google Reader сега е длабоко интегриран во Google+, па така наместо да се „лајка“ некој текст, сега ќе може да се стисне на +1, и да се сподели со одбрани кругови од друштвената мрежа. Ова значи дека досегашните опциите за спријателување, следење, споделување и коментирање ќе бидат отстранети и заменети со слични функции кои ги нуди Google+. Оние што ќе сакаат да споделуваат содржини од Google Reader ќе мораат да отворат Google+ профил.
Се разбира овој редизајн е дочекан со огромни критики од страна на корисниците на Reader, но според официјалниот блог на Google Reader, незадоволството е очекувано, и затоа секој кој сака да го напушти овој сервис, фидовите може да ги префрли на друг. Незадоволните корисници имаат покренато петиција која веќе брои над 10,000 потписи.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
