Добри вести за сите љубители на Cards Against Humanity. Досон Витфилд изработи веб апликација која овозможува играње на популарната игра преку десктоп, таблет или паметен телефон, јави DesignTaxi. Веб верзијата на Cards Against Humanity е возможна бидејќи играта е издадена под Creative Commons лиценца што овозможува користење, промени и споделување на играта. За жал во момнов сајтот не е достапен, но според најавите проблемите наскро ќе бидат надминати. Во меѓувреме достапен е Xyzzy каде исто така може да играте.
Правилата за играње се едноставни, картите се поделени во два дека црн и бел. На црниот дек се испечатени прашањата, на белиот дек се испечатени одговори кои корисниците можат да ги понудат на секое прашање. По ова играчите, одлучуваат кој одговор е најдобар, овој играч ја зема картата со прашањето. Победник е играчот со најмногу карти со прашања. Прашањата и одговорите се потполно луди, а во ова може да се уверите од примерите подолу.
Доколку сепак сакате друштвени игри без паметни уреди, Cards Against Humanity е достапна за преземање од официјалната страна.
