{mosimage}Добро познатата компанија TriCipher, чија главна дејност претставува автентикација во внатрешните мрежи, од неодамна ја објави интеграцијата на услугата т.н. "myOneLogin" со популарните социјални мрежи: MySpace, LinkedIn, Plaxo, YouTube, Classmates, Friendster, како и Google, WebEx, Microsoft Outlook Web Access, SalesForce.com и други.
Услугата myOneLogin воедно е и прва веб апликација во која има искомбинирано силна автентикација и SSO (Single Sign-On) и е исто така прва во индустријата позната како SaaS (Software as a Service) – софтвер како услута, давајќи им на корисниците силна автентикација со само едно корисничко име и лозинка.
MyOneLogin им помага на компаниите да го заштитат пристапот на вработените до веб апликациите кои ги користат и услугата располага со своја полиса за лозинки и извештаи на согласност, одстранувајќи го ризикот за "phishing" напади. Воедно и ги елиминира потребите од скапиот хардвер и софтвер за автентикација.
Досега, услугата myOneLogin е интегрирана во повеќе од 50 веб апликации, заедно со Microsoft Active Directory и сите поголеми SSL VPN мрежи, вклучувајќи ги Juniper, Cisco и F5 подржувајќи ги со постоечката инфраструктура на автентикација.
