Time.mk 
Оваа недела Игор Трајковски, професор и основач на Time.mk, сподели интересно видео во кое може за кратко да ѕирнеме во дел тестовите на кои работат. Во ова видеo од дваесетина секунди може да видиме како компјутерите препознаваат објекти.
Со помош на камера, компјутер и алгоритам се следи сообраќајот на раскрсницата кај Соборниот храм Св. Климент Охридски. Компјутерот ги забележува сите поголеми објекти и потоа препознава дали станува збор за пешак, за автомобил, велосипед, камион, мотор или автобус, но и семафори. Веројатно најинтересен е делот на самото препознавање кое на видеото е покажано со рамки околу објектите. Дел од возилата, на пример, дел автомобилите алгоритамот најпрво ги препознава како камиони, за по неколку секунди да ги префли во автомобили. Интересно, иако и сосем разбирливо е и непрепознавањето на споменикот на раскрсницата, поточно погрешно препознавање како пешак.
Броиме автомобили, автобуси, камиони, точаци и пешаци пред Соборен храм. pic.twitter.com/4dIyzX35Ua
— Igor Trajkovski (@mkrobot) August 14, 2019
Ова се почетоци на тестирањето на технологијата и сè уште нема податоци за прецизноста со која се препознаваат возилата.
Тестот засега единствено е за забава, иако ќе биде интересно да се види што може да произлезе од оваа технологија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Комкаст 
[…] Целосниот текст можете да го прочитате тука […]