Од Google Glass до паметни часовници, алки, па и паметни маици… Овие нови преносни уреди моментално се најинтересната технологија на пазарот, но иако не може да им најдеме секојдневна примена, сепак тие се веќе прифатени од разните индустрии.
Прва компанија која ги воведе алките за броење на чекорите за своите вработени е BP America. Станува збор за иницијатива која ќе го подобри здравјето на вработените, а дури 90 отсто од компанијата учествува во користењето на алките кои покажуваат колку чекори сте направиле во текот на денот, вели Fast Company.
Софтвер компанијата SAP креира две апликации работник во магацин и техничар, за дисплеи како Google Glass. Апликацијата овозможува навигација на вработените во магацини, 3Д-модели кои асистираат при поправки и слично. „Во овие индустрии веднаш ќе забележите дека сите носат очила за безбедност при работа, додавање на преносен комјутер не е премногу тешко, а додава екстра слободна рака за побезбедна работа“ вели Џош Вадел од SAP.
[youtube]Uo528eZSqCw[/youtube]
Тестови со Google Glass прави и армијата на САД, полицијата, FBI како и лекарите. Иако засега официјално не е најавена употреба на преносниот компјутер во ниедна од овие служби.
