Многу пари и повеќе нови можности ги привлекуваат кинеските технички работници преселени од Кина, назад дома. Ова е случај си Ванг Ји, кој до неодамна го живееше „американскиот сон“.
„Пред неколку години Ванг Ју го живееше американскиот сон. Дипломира на Принстон, се вработи во Google и купи куќа во Силициумската долина“, пишува Bloomberg.
Сепак г. Ванг не беше задоволен од својата работа како менаџер на продукт во Google и сонуваше да отвори сопствена компанија дома, во Кина. Дополнително, со сопругата чекаа принова, а тешко беше да се замени Калифорнија со смогот во Шангај. Некако се договорија и се врати во Кина.
Денес речиси без сомневање одлуката на г .Ванг е точна. Неговата апликација Liulishuo успеа да собере 100 милиони долари. Бројот на Кинези кои се враќаат дома е сѐ поголем. Повратниците, кои своето образование и искуство го добиле во универзитетите и компаниите во САД се главни двигатели на новата кинеска индустрија.
„Се повеќе таленти се враќаат бидејќи Кина добива моментум во иновациите. Ова е само почеток.“, вели ловецот на таленти Кен Чи.
Ако порано за да пронајдат предизвик, престиж и сатисфакција Кинезите мораа да се селат, сега кинеските гиганти го овозможуваат ова дома. Alibaba, Tencent, Baidu, Huawei и Xiaomi денес не доцнат воопшто зад западните компании.
Враќањето на Кинезите назад, секако ќе има влијание и на идустријата во останатите држави. Ова најмногу се однесува на САД кои од 2013 до 2016 година загубија 435 500 кинески работници. Интересен е показателот дека од 7.9% од инженерите кои развиваат вештачка интелигенција во САД, доаѓаат од Кина.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
