Kickstarter, краудфандинг платформата, собра една милијарда долари од донации на корисниците. До овие средства платформата стигна со 500 милиони долари инвестирани од јавноста во последните 12 месеци. За оваа пригода Kickstarter објави пост кој повторно покажува дека во проектите учествуваат луѓе од сите континенти, од Европа до Антарктикот. Овие средства доаѓаат од 5.708.578 ентузијасти од 224 држави. Листата на држави од кои доаѓаат подржувачите на проектите очекувано ја предводи САД со 663 милиони долари, а зад нив се В. Британија со 54 милиони и Канада со 45 милиони долари. Од Македонија има 115 подржувачи кои доделиле 10.570 долари.
