Студентите и посетителите на Факултетот за електротехника и информациски технологии (ФЕИТ) имаа чест да слушнат предавања од наградуваниот научник Кевин Варвик. Професорот од Универзитетот од Ридинг е истакнат во светот по своите истражување во полето на кибернетиката и роботиката, но можеби е најпознат по тоа што инсталираше чип во својата лева рака со цел да стане киборг. Ова му го донесе и прекарот „Капетан Киборг“.
Документиран и интервјуиран од Discovery, National Geographic, BBC и куп други светски медиуми и научни списанија, професорот Варвик се обрати и на македонските студенти и посетители повикувајќи ги да се вклучат во „проектот Киборг“ и да се обидат да имплементираат чип, секако со внимание и етичка дозвола, со цел да ги продолжат истражувањата во полето на кибернетиката.
Според него, покрај бројни примери за како човекот може да се подоби самиот инсталирајќи чипови кои ќе функционираат како сензори, пример инсталирање на магнети на прсти за да се чувстува топлината на другите, проект кој може да послужи за војската, сепак кибернетиката најмногу може да послужи во медицината. Низ свето веќе е започнатата практиката да им се вградува RFID чип на диебетичарите што во случај да мора да одат во болница, ќе биде потребно само едно скенирање за да се дознае кој лек им е препишан.
Бидејќи нема видео од предавањето, најдовме едно на YouTube кое е слично со тоа што професор Варвик го предаваше и на ФЕИТ. Второто видео е извадок од документарец.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] Последен тренд меѓу биохакерите е инсталирањето на LED диоди под кожа, кои ќе бидат своевидна имитација на осветлувањето кое го прават животните во природата. Новите модифицирани чипови се наводно безбедни за инсталирање во луѓе, што им дава можност на биохакерите да ја постигнат својата цел – да се претворат во идните луѓе, своевидни киборзи. […]