Google пред неколку месеци претстави паметна камера која со помош на вештачка интелигенција го фотографира корисникот. Компанијата ја претстави камерата на почетокот на октомври заедно со куп други уреди.
Google Clips е нова камера од Google која овозможува автоматско фотографирање. Корисникот единствено ја вклучува камерата, а потоа уредот благодарение на вештачката интелигенција самостојно одлучува кога ќе фотографира.
Clips доаѓа со сензор од 12 MP и агол на сликање 130-степени. Има 16 GB простор за фотографии/клипови, што е сосем доволно за фотографии од 2 дена. Камерата може да препознава ликови и се прилагодува на навиките на корисникот. Можеби најдобрата вест е дека сликите и видеата во целост се приватни. Сите слики се чуваат единствено на камерата. Clips се впарува со телефонот на корисникот. Сликите се криптирани и до нив може да се пристапи единствено од овој телефон.
Камерата сега е достапна или барем беше достапна еден краток период. Првите Clips камери ќе започнат да се испорачуваат во март, но за оваа „тура“ веќе нема уреди на продажба.
Цената од 250 долари изгледаше превисока кога Google ја најави камерата. Сепак, со оглед на тоа дека камерата веќе е распродадена се чини дека Google не направи никаква грешка.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
