Во почетоците компјутерите беа толку големи што зафаќаа цели соби, денес се доволно мали да може да го носиме во нашиот џеб. Денес сличен напредок доживуваат и „имерсивните“ технологии. Во минатото за проширена и виртуелна реалност беа потребни цели соби, но за неколку години ќе изгледаат како обични очила.
За иднината и проектите во виртуелна и проширена реалност во својот TED говор зборува Динеш Пуни. Ако ја следите технологијата последните неколку години веројатно веќе знаете за некои од можностите за професионалците. Овој говор дава и повеќе одговори каква примена проширената реалност ќе има и на обичните луѓе. Технологијата речиси во целост ќе го промени образовниот процес, а неколку примери може да погледнете и во говорот.
