Како Pinterest случајно направи подобар пребарувач за продукти од Google

Pinterest со своите 50 милиони корисници е релативно мал сервис, споредено со пополарните гиганти Twitter, Facebook и Google. Но оваа друштвена мрежа која се фокусира на конзумеризмот е далеку покорисна за потрошувачите и брендовите бидејќи успева да помогне при изборот на продукти. Иако мал, Pinterest пренасочува повеќе сообраќај од Twitter, а брендовите велат дека Pinterest корисниците поминуваат дури 15 пати повеќе време на нивните страни од корисниците на Facebook. А од неодамна, откако го купи Punchfork, Pinterest нуди и подобри резултати од пребарувањето од Google, вели BuzzFeed. Сликите подолу се доказ за тоа.

• Пребарување на „Stripes”. Pinterest прикажува облека, уметнички дела и дизајн. Google покажува линии.

• Пребарување на „Blue”. Pinterest дава резултати од дизајн, кујни, свеќи, слики, амбиент. Google прикажува боја.

• Пребарување на „angry”. Pinterest прикажува слатки лути животни. Google прикажува stock фотографии.

• Пребарување на „California”. Pinterest прикажува артистички фотографии од крајбрежјето, мостови, кампови, знаменитости. Google прикажува мапи од Калифорнија.

• Пребарување на „iPhone”. Pinterest прикажува чоколади, кејсови, ташни за телефон. Google покажува iPhone-и.