Во време на климатски промени, бегалци, државни влијанија преку друштвени мрежи врз избори, лажни вести, мора да е бавен ден во редакциите на дел од медиумите кои пренесуваат промени на емотикони.
Минатата недела CBS ја пренесе веста за „контроверзноста“ на емоџи ѓевречето на Apple („Bagel“ не е баш ѓеврече ама…). Можеби поголемо изненадување од самата вест се реакциите на луѓето. Првата работа која ја забележаа и која ја коментираа е дека ѓевречето е празно, а тоа е неприфатливо. Па не лични на вистинско ѓеврече, па рабовите се идеален круг, неприфатливо; па сечењето идеално, неприфатливо! Поради овие протести Apple по неколку дена го промени оригиналниот изглед. Сликата на ѓевречето и не е воопшто лоша, веднаш се приметува што е и ако сакатe да скратите од збор со 5 букви на 1 слика барем е лесно да се забележи. Секако празното пециво е неприфатливо за ентузијастите и мораше да се промени.
I’m organizing a march in New York City against Apple’s just-revealed bagel emoji, which comes out with the next iOS update. It looks like something you get from a cardboard box in the freezer section at Walmart. This insult will not stand. pic.twitter.com/Z44YFBuUlU
— Downtown Josh Brown (@ReformedBroker) October 3, 2018
Ова и не е најтрагичниот дел. Пецивото на Apple не е прво емоџи кое се менува по „итна“ постапка. Минатата година истото се случи со „чизбургерот“ на Google. Проблемот тогаш беше што артистот на Google го поставил кашкавалот најдолу. Веста не само што беше пренесена од медиумите, туку беше и дел од главните вести. Кризата со чизбургер за дел од медиумите тогаш беше далеку поважнa вест од било што друго. Иако главна причина за ова е обидот да се прескокнат други, понепријатни вести.
Paul Manafort just turned himself in to FBI. What should we report?
CNN:Manafort
MSNBC: Manafort
Fox News: Hamburger emojivia @robferdman pic.twitter.com/MLZ4dHIhnj
— The Hummingbird 🐦 (@SaysHummingbird) October 30, 2017
Ова дури и не е прв пат Apple да има проблем со емотиконите. Компанијата претходно имаше проблем со „paella“-емотиконот поради грешни состојки прикажани на сликата, потсети Emojipedia.
Добра вест е дека под притисок на јавноста се направени промени. Лоша вест е дека прашањата се толку бесмислени што е депресивно и што воопшто некој размислува за ова. За среќа, и за спокој на љубителите на полнети „ѓевречиња“ Apple оваа недела ја објави новата слика на полнето „ѓеврече“. Полнењето е со сирење и се надеваме дека љубителите на други филови нема да ја чувствуваат неправдата.
