Мартин Зламал и Мајкл Сангер се гости на 19-от Фронт-енд митап Скопје. Настанот е закажан за 12 ноември и ќе се одржи во просториите на Хаклаб Кика.
Гостите доаѓаат од Kiwi.com, платформа, пребарувач за евтини летови. За сите кои сакаат да го следат настанот најверојатно е поважно дека говорите ќе бидат на англиски јазик.
На настанот говорниците ќе разгледаат 2 теми:
- Мартин Зламал ќе говори за алатките кои им помагаат на девелоперите нивната JavaScript апликација да остане „нормална“ и скалабилна. Во говорот ќе претстави 5 одбрани алатки и библиотеки кои на развивачите можат да им помогнат.
- Мајкл Сангер ќе зборува за безсерверски бекенд сервиси за JavaScript развивачи. Дел од говорот ќе биде употребата на JavaScript за развој на веб-апликации, мобилни апликации и JavaScript како бекенд јазик.
Повеќе податоци за настанот како и потврда за учество може да направите на Meetup.
