Google Мusic е тазе сервис за складирање музика на веб и слушање музика преку разни уреди. Проблемот со овој сервис, кој е конкурент на iTunes е што во моментов е наменет само за корисниците во САД.
Но, без грижа бидејќи има начин како да се користи и од македонските корисници. Бидејќи Google ја проверува IP адресата кога се логирате, трикот е да се претставите како американски државјанин.
Прво треба да го симнете .apk фајот за мобилната Android апликација на Google Music која е само закачена на Android Market само во САД. Фајлот com.google.android.music.4.0.9.apk ќе го најдете, иронично, преку Google.
Следниот чекор е инсталирање на Tor клиентот на вашиот десктоп PC. Тоr е мрежа која ви го затскрива идентитетот и дозволува да се сурфа анонимно на интернет. Оваа мрежа се користи од војската, дипломатите, криминалците и обичните корисници, од сите кои сакаат да не бидат следени на интернет.
*Пробавме со стандардните прокси сервери и не си ја вршат работата. Можно е да се прелаже Google и со Hotspot Shield, но се задржуваме на начинот со Tor бидејќи ова е исто така одличен вовед во користењето на оваа мрежа.
Стартувајте го Tor, ќе ви се отвори Videlia Control Panel. Откако ќе се поврзете на Tor мрежата кликнете на View the Network. Oд тука:
- Одберета американска „точка“ (node)
- Со десното копче на глувчето одберете Copy -> Fingerprint
- Излезете од Tor мапата
- Oтворете Settings -> Advanced Tab
- Целта е да се едитира Tor за да го користи само американскиот сервер кој го ископиравте
- Одберете Edit current torrc
- Внесете:
ExitNodes [копирајте го Fingerprint-от)
StrictExitNodes 1
- Откако ќе го рестартирате Videlia Control Panel, ќе се стартува интегриран Tor прелистувач. Отидете на http://music.google.com и логирајте се.
- Бидејќи Google ќе забележи дека се логирате од различна локација, ќе побара да го верификувате идентитетот, дека вие сте правиот сопственик на gmail профилот со кој се логирате. За тоа ќе ви побара алтернативна имејл адреса која сте ја претходно оставиле како recovery, односно во случај да ја заборавите gmail адресата.
- По верификацијата ќе ви се стартува Google Music.
- Изгасете го Tor прелистувачот кој сигурно ве збунил со барање на Flash Player, и стартувајте си обичен прелистувач Firefox или Chrome. За Google вие сте го активирале Google Music и сега ќе можете да го користите без проблем.
- Симнете ги алатките за закачување музика и уживајте.
Имајте на ум дека може да закачувате музика, но нема да може да купувате музика од музичката продавница на Google се додека не се официјално стартува и за македонските корисници.
Подолу е видео туторијал од Engadget.
[youtube]0MABKjiLB-s[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Istiot problem go iam i jas nisto ne mi otvara mnogu e spor….
Tor не ми отвора ништо, многу е спор. Што да правам?
Многу побрзо и полесно со HotSpot Shield.
Инсталирајте го, посетете ја страната на google music, регистрирајте се и после тоа слободно може да го избришете.
hotspot shield ne raboti sekogas
Ne e bas pobrzo i polesno go instalirav, i otidov na google musiv i pak pokazuvase deka ne e dostapen za Makedonija