Безжичниот пренос на енергија веќе го има кај паметните телефони, но дури и тука станува збор за мали моќности и растојанија. Корисниците кои имаат поскап паметен телефон кој поддржува бежично полење знаат дека дури и во овој случај телефонот се полни на растојание од неколку сантиметри.
Тим научници, предводен од Чун Рим, професор за нуклеарен и квантен инженеринг разви на Јужнокорејскиот институт за наука, најдоа начин за индуктивни бежично полнење кое може да напојува уреди на растојание до 5 метри. Експериментите покажуваат дека начинот на бежично напојување кој го развива тимот на г. Чун обезбедува 1.403 W на 3 метри, 471 W на 4 метри и 209 W на пет метри. Загубите во системот се забележителни, па при обидот со пренос на 100 W, забележан е коефициент на полезно дејство од 36.9, 18.7 и 9.2 на 3, 4 и 5 метри.
„Нашата технологија ја докажа можноста за бежичен пренос на енергија на новиот систем на растојанија кои досега беа незамисливи. Иако преносот на големи растојанија е во почетна фаза на комерцијализација и неговата имплементација е навистина скапа, веруваме дека ова е начинот со кој во иднина ќе се напојуваат електричните уреди. Како денешните Wi-Fi зони во иднина ќе постојат Wi-Power зони во локации како ресторани или на улица кои ќе обезбедат електрична енергија на сите уреди. Ќе ги користиме сите уреди насекаде без куп живи кои се приклучени на нив, без грижа околу полнењето на нивните батерии.“, велат од развојниот тим.
[youtube]R6UCwqjdpo0[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
