Оваа среда и официјално ќе биде отворено локалното поглавје на движењето Women in Tech. Свеченото отворање на Women in Tech Macedonia ќе се оддржи во инкубаторот “StartUp Club Skopje” со почеток од 17:30ч.
Организацијата Women in Tech е меѓународна непрофитна организација фокусирана на зголемување на бројот на жени во „STEM“ кариерни области. Организацијата се фокусира на четири области за кои е потребен поголем ангажман: едукација, претприемништво, настани и истражување. Покрај зголемувањето на бројот на жените кои работат во технологијата, Women in Tech работи и на зголемување на пристапноста на едукацијата и на овие занимања за жените.
На настанот ќе биде присутен и главниот основач на Women in Tech – Ајуми, а ќе има и преставници и од од UNICEF, Microsoft како и панел гости говорници претставници од бизнис, стартап и едукaцискиот сектор. Организаторите и спонзорите
Македонија и досега имаше активен огранок на Women in Tech кој организираше повеќе настани, иако официјално не беше дел од меѓународната организација.
Повеќе податоци за работата на организацијата може да прочитате тука.
Поддршка на настанот дадоа и Adeva, Slice, Cosmic Development, Women TechMakers и Symphony.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
