Започна пријавување за најверојатно еден од најинтересните ИТ настани во Македонија, RoboMac 2016. Натпреварот по роботика ќе се одржи од 7-ми до 13-ти март во просториите на Факултет за електротехника и информациски технологии. Натпреварот е организиран од студентскиот огранок на македонска секција на IEEE и Студентскиот парламент при ФЕИТ.
Организаторите на RoboMac ги покануваат сите студенти и средношколци запишани во 4-та година да се пријават и да учествуваат во борби помеѓу нивните роботи. Натпреварите се поделени во неколку категории, а во зависност од сопствените познавања, натпреварувачите можат да се натпреваруваат во основни или напредни категории. Натпреварите се веќе познати како и на претходните години: сумо борба меѓу роботи, трка, најдобар хуманоид и најинтелигентен робот. Оваа година за првпат се воведуваат две нови категории, едната е генерирање на траекторија на топка-робот и Сумулација на квадрикоптер.
На RoboMac оваа година се планирани да учествуваат 80 учесници од кои 30 места се за гости од останатите балкански универзитети. Настанот има и едукативен карактер па учесниците можат да слушаат предавања за роботика и вештачка интелигенција. Финалето на RoboMac е закажано за 12 март и ќе се одржи во Домот на АРМ. Регистрацијата за заинтересираните учесници е отворена до 10 февруари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
GG.mk 
A1 Македонија 
