На 11 април се одржува интернационалниот ден на друштвени игри, кој годинава повторно ќе биде одбележан и во Скопје, во организација на Гоблин друштвени игри и Boardgames.mk.
Игрите на табла можеби не се толку атрактивни како видеоигрите, но во Македонија има доста ангажирана заедница. Има македонски креатори на игри на карта, и илустратори кои цртаат навистина интересни шпилови. „Радува и се поголемиот интерес за игри на табла, а посетителите сега знаат која игра ја бараат, за разлика од порано кога бараа совети од нас“, велат од Гоблин.
Интернационалниот ден на друштвени игри ќе се одбележи во продавницата Гоблин, а годинава посетителите ќе имаат можност да изиграат/тестираат игри од македонски креатори. Поканети се сите, посетителите можат да дојдат со својата омилена игра или можат да се приклучат на некоја од масите. Сабота 11 април, со почеток од 15:30 до 20:00 – Гоблин друштвени игри во ТЦ Буњаковец, се гледаме таму.
Супер за афирмирањето на друштвените игри Но, редно е да се качи нивото на оваа манифестација на едно скалило и да се земе барем поголема просторија за да може да се зберат сите сегашни, идни и бивши љубители на овој жанр.