На 24 јануари годинава, во организација на компанијата IT Labs, ќе се одржи првото издание на ReImagine, настан од отворен карактер. Тема на овогодишниот настан ReImagine: Architecture Unleashed е софтверската архитектура, како една од најактуелните теми во ИТ-индустријата во моментов.
Како главен говорник ќе имате шанса да го слушнете Јуџин Ковшиловски, технички директор на EnterpriseAlumni и поранешен технички директор на GoDaddy/Media Temple.
За најновите трендови во софтверската архитектура ќе зборуваат и Илија Мишов, ко-основач на IT Labs, и Благој Јанев, технички директор на IT Labs.
По предавањата следува панел-дискусија на којашто присутните гости ќе имаат можност да поставуваат прашања, но и да споделат свои искуства и размислувања поврзани со софтверската архитектура, а дел од посетителите ќе имаат можност да ја продолжат дискусијата на ексклузивна вечера со тројцата предавачи.
Настанот ќе се одржи на 24.01.2019 во Станица 26, со почеток во 17:30 ч. Влезот е слободен, а вашата резервација можете да ја направите на следниот линк.
Подетално за агендата на настанот и за темите на кои ќе зборуваат предавачите можете да прочитате тука.
