Веќе традиционално, шеста година по ред ќе се одржи Robomac 2015, меѓународен натпревар на полето на роботиката организиран од IEEE студенти од Македонија. Robomac оваа година ќе се одржи од 9 до 14 јуни, во просториите на Факултетот за електротехника и информациски технологии (ФЕИТ).
„Визијата зад настанот е да ја популаризира роботиката кај студентите и младите луѓе во Македонија и регионот, но целта е да се иницира и подржи работа на многу други проекти поврзани со роботиката“, се вели на сајтот. Натпреварот е поделен во пест категории: сумо, вистинска цел, трка, робо-рака, хуманоид, и AI и Raspberry PI.
Сумо е можеби најинтересниот дел од натпреварот во кој два роботи во ринг се натреваруваат кој ќе го избутка противникот надвор од рингот. Во „вистинска цел“ роботите се натпреваруваат во способност да следат линија или во пронаоѓање на боја. Робо-рака е натпревар во прецизност и брзина, во кој тимповите треба да го испрограмираат својот робот да извршува одредени задачи брзо, но и перцизно. Целта на хуманоид е да се програмира робот кој ќе игра, а победник е најдобрата кореографија. AI и Raspberry PI е најверојатно најсложениот натпревар во кој учесниците треба да креираат вептачка интелегенција која ќе може да се натпреварува во популарни, иако можеби подзаборавени друштвени игри за двајца како „Tic-tac-toe“ или „Battleship“.
Освен натпреварите и работилницата, дел од програмата се и предавање на засега неоткриени четири говорници. Пријавувањето за настанот трае до 17 мај, а конечната листа на учесници ќе биде објавена на 20 мај.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Seavus 
