Microsoft ги претстави верзиите на Windows 10 кој ќе бидат достапни за сите корисници. Новата итерација на оперативниот систем ќе доаѓа со поддршка за куп уреди: десктоп и таблет компјутери, телефони, конзолата Xbox One, HoloLens и Surface, но и IoT-уреди од лифтови до банкомати, вели Microsoft.
Оперативниот систем доаѓа во седум верзии во кои се вклучени Enterprise изданија за десктоп и мобилните платформи. Windows 10 Home, Windows 10 Mobile, Windows 10 Pro, Windows 10 Enterprise, Windows 10 Education и Windows 10 Mobile Enterprise се изданијата на оперативниот систем кои ќе бидат достапни за Windows 10.
Windows 10 Home верзијата е наменета за обичните корисници и е наменета за PC, лаптоп, хибриди и таблет компјутери. Доаѓа со гласовниот асистент Cortana, прелистувачот Edge и Continuum поддршка. Добра вест за гејмерите е дека ќе можат да ги играат Xbox Live игрите на PC. Windows 10 Mobile е замена за Windows Phone 8,1 – оптимизирана верзија на оперативниот систем за помали екрани.
Windows 10 Pro и Windows 10 Enterprise се наменети за компании. Првата за помалите компании и ќе овозможува споделување на податоци на повеќе уреди. Верзијата на оперативниот систем доаѓа со дополнителна заштита за чувствителните компаниски податоци, подршка за соработка преку мобили и десктоп уреди и можност за потполно користење на предностите на „облакот“. Windows 10 Enterprise e наменет за поголеми компании и доаѓа со зголемена безбедност. Windows 10 Mobile Enterprise е наменет за бизнис корисниците на паметните телефони и помалите таблет компјутери кои доаѓаат со Microsoft оперативен систем. Слично како и Enterprise едицијата за десктоп доаѓа со зголемена безбедност.
Windows 10 Education е нов додаток во изданијата на Microsoft, наменет за студенти и образовни институции. Достапен е преку академска лиценца, а студентите и училиштата ќе можат да се префрлат на оваа верзија на оперативниот систем
Последното издание Windows 10 IoT Core е наменето за уредите од „интернет на нештата“. Верзијата е замена за Windows Embedded и наменета е за помали и помалку моќни уреди. Банкоматите и „помоќните“ уреди ќе доаѓат со Windows 10.
Новите верзии за оперативниот систем се најавени за летово, а оперативниот систем според најавата ќе биде бесплатна надградба.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
