Muffin Skopje е нова конференција која ја организира Musala Softwere Skopje, која се фокусира на малку потехнички теми, но доста важни во ИТ индустријата. „Целта на Muffin Conference е да се поттикне развивањето на ИТ општеството во Македонија. Нашите експерти сакаат да пренесат дел од својата експертиза од долгогодишната работа во индустријата, и со тоа да придонесат кон нејзиното развивање“, велат од Musala. Musala e бугарска софтверска компанија која од неодамна отвори канцеларии во Скопје.
Предавачи на конференцијата ќе бидат Петјо Димитров и Мартин Ахчиев, кои ќе оддржат предавања за Java Enterprise и Docker; за Apache Spark за обработка на големи количества податоци, со поддршка на Java, Scala и Python API-ја; и за сервисна ориентирана архитектура со IBM SOA стакови.
Muffin Skopje е конференција отворена за сите заинтересирани, но потребно е да се регистрирате. Закажана е за 5-ти декември во Холидеј Ин во Скопје.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
