Македонската гејминг заедница овој викенд ќе се собере на Global Game Jam во Битола и Скопје, каде ќе се креираат игри во хакатон од 48 часа. Но, веќе за следната недела, во четврток на 29-ти јануари, е закажан петтиот Инди Пиво настан, на кој ќе се продолжи со дружењето.
Тема ќе биде токму споделување на искуството од годинешниот Global Game Jam и креираните игри. Организирањето на Инди Пиво настанот започна пред нешто повеќе од половина година, со цел да поттикне соработка помеѓу гејминг ентузијастите. Во Македонија иако има доста фанови на игри, сепак нема конкретна заедница на креатори на игри, и Инди Пиво и Game Jam се наменети да го решат овој проблем. Организатор на настанот се Mартин Пупков и Кристијан Трајковски од студиото Dark One и од Македонската асоцијација за развој на игри (МАГДА), која стои зад Game Jam.
