„Максимизирање на вредноста на отворениот код“ е наслов на првиот од двата вебинари во организација на Keitaro. Презентер на овој вебинар е Марко Боцевски, основач и технички директор на Keitaro. Како што може да се заклучи и од настанот фокус на вебинарот е отворениот код и сите придобивки од работа со отворен код. Сите заинтересирани можат да се пријават и ќе добијат линк на кој ќе може да го следат вебинарот.
Темите кои ќе бидат разгледувани на вебинарот се:
- Зошто софтверот со отворен код е толку популарен
- Како компаниите користат отворен код
- Важноста на заедницата за отворен код
- Предизвици при користење отворен код
- Зошто е важна континуираната усогласеност
- Нови техники на напад
- Како да заштедите пари и да ја зголемите прецизноста при ревизија на бесплатен и отворен код
- Иднината на софтверот со отворен код
Првиот вебинар започнува за неколку часови, па побрзате и „резервирајте ги местата“.
Марко Боцевски е главен технички директор и основач на Кеитаро. Пред Кеитаро, неговото искуство се базира на различни ИТ лидерски позиции во глобални организации со силен фокус на потребите на пазарот и клиентите. Со огромно искуство во софтвер со отворен код, клауд решенија, и управување со животниот циклус на апликации, тој успешно го води растот на Кеитаро уште од самиот почеток, во 2012 година.
