Aко сакате да имате свој стартап, и сакате да научите како по ѓаволите да направите успешен стартап во Македонија, тогаш треба да си закажете место за настанот организиран од Founder Institute Macedonia.
Станува збор за нивен прв организиран настан, па агендата е да им се посака добредојде и социјализација на сите стартап ентузијасти. Ќе има и претставување на основачите, заедно со панел дискусија на која ќе говорат претставници на локалните организации и стартапи.
Листата на говорници е долга и на неа се најголем дел од основачите на успешни стартапи во Македонија: Давид Павловски (Ко-основач, Infinitynet.mk); Глигор Дачевски ( Основач, Doxteam); Петар Ниновски (Основач, Brainster); Митко Цабевски (Основач, King Kong agency); Игро Маџов (Куратор, Startup Digest Macedonia); Иван Зогравски и Драгана Нешовска (Ко-основачи, Solveo.co). Средбата ќе се одржи на 16 јуни во Start-up X Cafe, а резервацијата на билетите е веќе започната.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
