Apple најави дека во живо ќе ја стрима презентацијата на која ќе ги претстави новиот iPhone и iWatch. За настанот веќе од поодамна се знае дeка ќе се одржи на 9 септември во Купертино, Калифорнија, со почеток во 18:00 часот по македонско време. Корисниците на Microsoft Windows, повторно не можат да ги следат настаните, бидејќи овојпат Quicktime не е опција. Apple најави дека стримот ќе може да се следи единствено преку Apple TV или поновите Safari прелистувачи на OS X или на iPhone, iPod и iPad.
На настанот се очекува да биде претставен поголем iPhone од 4,7 инчи, и се шпекулира дека ќе биде претставен и уште поголем „фаблет“ од 5,5 инчи, иако оваа засега е неверојатно сценарио. Но, покрај телефонот на настанот е сигурно дека ќе го видиме и новиот паметен часовник – iWatch. Главниот дизајнер на Apple, Џонатан Ајв, веќе го најави паметниот часовник, велејќи дека „Швајцарија ќе има проблеми“ и вистински конкурент со iWatch.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
