„Со ова интернет страна сакаме да допреме не само до повеќе потрошувачи, но и до оние кои се ограничени со време, кои бараат попрецизни информации, кои сакаат да научат нешто повеќе за виното. На овој начин лесно, брзо, прегледно и безбедно корисниците можат да си овозможат задоволство при изборот и купувањето на вино и додатоци од било кое место и било кое време.“ вели Билјана Кочо од Вино М, дистрибутер на вина од преку 20 винари од светот.
Од македонски аспект, wine.mk е доста интересен сајт бидејќи се работи за специјализирана продавница, се работи за само еден продукт – вино. Македонија иако има одличен потенцијал за е-трговија сепак таа е нова област. Тука чувството е дека интернетот е ново нешто, камоли е-трговијата. Неодамнешното истражување на New Moment покажа дека корисниците немаат навика да посетуваат портали за интернет купувања, а и дека храната и пијалоците не се меѓу омилените производи кои се купуваат преку мониторот.
Но, од друга страна е-трговијата функционира одлично ширум светот, а во Македонија само што започнува да се размислува за оваа шопинг варијанта. Па, зошто да не купуваме онлајн?
Odlicno, bravo :-))