{mosimage}Интернет пиратеријата е сé посекси и посекси, посебно за младите, рече еврокомесарката за ИКТ, Вивиен Рединг повикувајќи се на анкета која покажала дека дури 60 отсто од младите меѓу 16-24 симнуваат аудиовизуелна содржина без воопшто да се грижат за плаќање. Лично верувам дека процентот на пиратите е многу поголем.
Но… со спроведење на законот, кој не е соодветен, ние ги тераме луѓето да станат пирати и да симнуваат нелегално, рече г-ѓа. Рединг пред Лисабонскиот совет. Со својот говор "Дигитална Европа, брзиот европски пат кон економска обнова" таа го презентираше нејзиниот поглед за развивањето
на ИКТ индустријата во наредните 5 години.
„Растечката интернет пиратерија е гласот на недовербата во постоечките бизнис модели и легални решенија. Треба да стане повик за будење на политичарите.
Потребно е да се казнуваат прекршителите на законот. Но дали имаме доволно атрактивни и
добри легални понуди на пазарот? Дали законодавниот систем за авторските права навистина е соодветен за интернет генерацијата?“ вели г-ѓа. Рединг.
Концентрирајќи се на достапноста и квалитетот на содржината, г-ѓа. Рединг потенцираше дека „Дигитална Европа може
да се изгради само со креирање содржина, и со интернет генерација како заинтересирани и иновативни потрошувачи.“
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
