Замислете ја драмата Ромео и Јулија, но во модерно доба. Ако нешто би правеле тинејџерите тоа е користење на целосната моќ на социјалните мрежи за да ја искажат нивната љубов.
Најновиот проект на BBC има за цел да ја прикаже целата трагедија на Шејкспир, но во форма на постови на социјални мрежи. Целото искуство е пропратено со цртежи кои се замислени како да се вистински фотографии поставени на социјална мрежа, со постови, хештагови, кратенки и триста други чуда кои се својствени за изразувањето на социјалните мрежи. Во одредени моменти, можете да бидете некој линк со кој ќе се допишувате како навистина да сте во социјална мрежа.
Првенствено, проектот е замислен за деца од 13 до 16 години, но оваа онлајн адаптација може да биде интересна независно од вашата возраст. Одредени цртежи се мајсторски осмислени, а постовите интелигентно и веродостојно напишани.
Целото искуство е поделено низ три одделни групи кои се викаат Love, Hate, и Death. На крајот имате и квиз кој е замислен да тестира што сте научиле од целата драма. Одговорите на прашањата ги пишувате во дадените полиња.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
