Инжeнер направи 3Д принтер од лего коцки

Цените на 3Д принтерите се во пад, па некои од нив денес чинат само стотина долари. Но, ако и ова е прескапо, тогаш можете да го следите примерот на Метју Кругер кој состави 3Д принтер речиси исклучиво од лего коцки, пишува CNet.

Недостигот на средства да купи вистински Makerbot, го натераа студентот по инженерство, Метју Кругер, сам да си креира 3Д принтер. Принтерот е речиси целосно изработен од лего коцки, па затоа го има името Legobot. Покрај лего коцки направата е составена и од Lego Mindstorm NXT и четири напојувања. Електромоторите кои се користат се производство на Lego, а дел биле користени во VHS камера. Како глава на принтерот се користи расклопен пиштол за лепење.

Со оглед на тоа дека наместо пластика за принтање користи пиштол со лепило, лего коцките принтаат со помал квалитет од принтерите од продавница, што е и според очекувањата, нели? Сепак доколку ги имате деловите дома, цената на принтерот би била минимална. Г. Кругер ги сподели и плановите за изработка на уредот.

[youtube]1IsR-GGL8-g[/youtube]