Any.Do, една од најубавите to-do апликации за Android и iOS, објави своја придружна апликација за организирање на календарот. Се работи за Cal која излезе од приватната бета, и која сега е достапна за симнување од Apple App Store.
Kако и Any.Do, и Cal е прекрасно дизајнирана апликација која лесно може да го замени оригиналниот календар на iOS. Предноста не е само во дизајнот и елегантниот интерфејс кој ви прикажува родендени и состаноци врзани со датумите кои ги извлекува од Facebook, iCloud и други извори; туку што е поврзана директно со Any.Do. Ако додадете to-do белешка во eдна апликација, таа ќе се појави и во двете. Но, ако се двоимите зошто да ги користите и двете апликации кога било која од нив ја врши истата работа, одговорот ќе го најдете во интуитивниот дизајн. Иако има опција за календар, Any.Dо успева да ве фокусира на to-do листи и работни обврски, и иако Cal има можност за to-do листи, таа сепак е направена полесно да ги следите состаноците преку локација и потсетници кои ги праќате до пријателите.
На App Store има и други интересни календари, како Sunrise или Horizon Calendar, но сепак ќе ви го препорачаме Cal и поради дизајнот и поради интеграцијата со Any.Do.
