{mosimage}Преку Visual Networking Index иницијативата, Cisco ги следи сите случувања и трендови обидувајќи се да го предвиди текот на интернет вмрежувањето. Последниот извештај кој Cisco го објави е предвидување за насоката на глобалниот ИП интернет сообраќај и како тој ќе изгледа во 2013 година.
На кратко вкупниот интернет сообраќај ќе се зголеми на 56 ексабајти месечно во 2013, споредено со 9 ексабајти на месец во 2008 година. Од тоа 90 отсто од интернет сообраќајот ќе отпаѓа на видео материјал и споделување на фајлови. (1 ексабајт = 1 милијарда гигабајти)
Еве ги деталите за прогнозата:
- Годишниот интернет сообраќај ќе надмине 2/3 од зетабајт (667 ексабајти) за 4 години. Интернет сообраќајот ќе се зголеми четири пати до 2013 година.
- P2P споделувањето се зголемува количински, но се намалу процентуално од вкупниот ИП сообраќај. Моментално на P2P отпаѓаат 3.3 ексабајти месечно.
- Денес онлајн видеото е една-третина од интернет сообраќајот, без да се вклучи споделувањето на видео преку P2P мрежите.
- Сите форми на видео (ТВ, видео на барање, интернет и P2P) ќе одземат 91 отсто од глобалниот интернет сообраќај во 2013 година. Само интернет видеото ќе одземе 60%.
- Комуницирање преку видео се зголемува и до 2013 ќе се зголеми десет пати.
- Интернет телевизија ќе биде 4 отсто од сообраќајот.
Слично предвидување има и за информациите кои се пренесуваа преку мобилните мрежи. Се очекува мобилниот сообраќај да се дуплира секоја година до 2013 година, нешто што сега е лесно остварливо со новите „паметни“ телефони, и како и со интернетот, 64 отсто од мобилниот сообраќај ќе биде видеото.
{mosimage}
{mosimage}
Има и интересно предвидување за интернет сообраќајот според регионите:
- ИП сообраќајот најбргу се развива на Средниот Исток и во Африка со 1 ексабајт месечен сообраќај во 2013 година.
- Во Северна Америка ќе достигне 13 ексабајти месечно во 2013 година или 2.4 милијардни ДВД-ија.
- Во Западна Европа ќе биде 12.5 ексабајти во 2013.
- Во Централна и Источна Европа ќе достигне 2 ексабајти месечно во 2013 или 340 милиони ДВД-ја. Исти бројки се и за Латинска Америка.
- Во Азија ќе биде 21 ексабајт месечно, а во Јапан 3 ексабајти месечно во 2013 година.
{mosimage}
И двата документа кои се однесуваат на прогнозата на Cisco можете да ги најдете во .pdf формат.
– Hyperconnectivity and the Approaching Zettabyte Era
– Cisco Visual Networking Index
Forecast and Methodology, 2008–2013
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
