Internet Explorer веќе не е толку тапа, призна Microsoft во својата нова реклама за IE10

Има нешто шармантно во најновата реклама за Internet Explorer 10 кој е достапен во Windows 8. Не затоа Microsoft е конечно искрен за квалитетот на својот веб прелистувач, ниту тоа што корисниците ќе направат се за да го исмејат прелистувачот, туку што со таа искреност всушност ве тера да го пробате новиот Internet Explorer.

Интересно е што во целата реклама, нема ниту една слика од Internet Explorer, туку има комуникација меѓу Microsoft и корисниците, и тоа комуникација на друштвените мрежи кои прераснува во „убедување“ наместо во продавање на продукт. Но, Мicrosoft не оди против „хејтањето“ на IE, туку вели „да, тапа е, но пробајте го новиот IE 10 бидејќи е помалку тапа“. Пробајте и уверете се!

Треба да си многу храбар и да веруваш во својот производ за да бидеш толку отворен со публиката, бидејќи нема втора шанса ако Internet Explorer 10 e повторно срање. Google Chrome веќе владее на пазарот, a Firefox има огромна заедница. IE има само една шанса.

Погледнете ја рекламата и кажете искрено дали би пробале Internet Explorer 10?

[youtube]lD9FAOPBiDk[/youtube]