„Очекуваме дека ќе ги приспособиме тие Honeycomb машини во текот на оваа година за голем број на корисници. Би бил многу разочаран доколку не видиме Intel-базирани телефони да се продаваат во наредниве 12 месеци од сега.“, вели претседателот на Intel, Пол Отелини.
Можеби со портирањето на Honeycomb, Intel конечно ќе стане сериозна конкурент на пазарот на паметни телефони кој станува се поголем и поголем.
Intel неодамна ги претстави и Oak Trail линијата на процесори наменети за таблет компјутерите кои ќе користат Android, Windows Phone и MeeGo оперативни системи. Зборувајќи за MeeGo, г. Отелини рече дека „ја изгубивме“ Nokia коментирајќи за одлуката на финската компанија да го користи Windows Phone.
