Новиот i7-8700K процесор од Intel е најдобриот процесор за гејминг кој е достапен на пазарот. Најголемата надградба во однос на претходникот i7-7700K не е повисоката фреквенција, туку две нови јадра. Новите јадра овозможуваат и подобри резултати при креирањето на содржина, вели ArsTechnica.
Но, иако процесорот е импресивен, не е сосем без проблеми. Зголемениот број на јадра ја зголемува потрошувачката, а проблем е и оверклокувањето. Вториот проблем е финансиски. Новиот процесор не е евтин, а за него е потребна и нова плоча. Дополнително, не е сосем јасно дали и следната генерација, Cannon Lake процесор, ќе може да се користи на истиот сокет.
Процесорот доѓа со 6 јадра и 12 треда (thread). Основната фреквенција е 3.7 GHz, а со буст може да достигнат до: 4.7 GHz со едно јадро; 4.6 GHZ на две јадра; 4.4 GHz на 4 јадра и 4.3GHz на сите шест јадра. Иако најголем дел од корисниците нема да ја користат, процесорот доаѓа со Intel UHD Graphics 630 интегрирана графичка картичка. i7-8700 поддржува и DDR4-2666 меморија. При потполно оптоварување i7-8700K троши 345 W, споредливо со Ryzen 7 1800X, но процесорот од AMD има 2 јадра повеќе.
Сепак, Core i7-8700K е многу брз процесор. Оверклокуван на 5GHz дури и на мулти-тред тестовите го надминува Ryzen 7 1800X.
Добра вест за Intel е дека сè уште го имаат најдобриот гејминг процесор. Процесорот се оверклока до 5 GHz, иако е потребно дополнително ладење и троши многу. За среќа и без ова i7-8700K е многу брз. Лоша вест е дека во инвестирањето е потребна нова плоча, за која овој може да е и прв и последен процесор.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
